ಮಾನವನ ಮಿದುಳು

                                ಮಾನವನ ಮಿದುಳು

ಮಿದುಳು ದೇಹದ ಪ್ರಮುಖ ಸಹಭಾಗಿತ್ವ ಮತ್ತು ನಿಯಂತ್ರಣ ಭಾಗ. ಮಾನವನ ಮೆದುಳಿನ ಹೊರ ನೋಟದಲ್ಲಿ ಮೂರು ನಿರ್ದಿಷ್ಟ ಭಾಗಗಳನ್ನು ಕಾಣಬಹುದು. ಅವು

1) ಮುಮ್ಮೆದುಳು
2) ಮಧ್ಯ ಮೆದುಳು
3) ಹಿಮ್ಮೆದುಳು

 👉ಮಿದುಳಿನ ಹೊರನೋಟದ ಭಾಗಗಳು :-

1) ಮುಮ್ಮೆದುಳು (fore brain) :-
ಮುಮ್ಮೆದುಳು ಮಿದುಳಿನ ಅತಿ ಸಂಕೀರ್ಣ ಭಾಗ. ಇದರಲ್ಲಿ ಮಹಾಮಸ್ತಿಷ್ಕ ಮತ್ತು ಡೈಎನ್‌ಸೆಫೆಲಾನ್ ಎಂಬ ಎರಡು ಪ್ರಮುಖ ಭಾಗಗಳಿವೆ.

A) ಮಹಾಮಸ್ತಿಷ್ಕ (cerebrum) :-

ಮಿದುಳಿನ ಅತ್ಯಂತ ದೊಡ್ಡ ಭಾಗ. ಇದು ಹೆಚ್ಚು ಅಭಿವೃದ್ಧಿ ಹೊಂದಿದೆ.ಮೆದುಳಿನ ಒಟ್ಟು ತೂಕದ ಸುಮಾರು ಶೇ.80 ರಷ್ಟು ತೂಕ, ಇದರದು.ಇದರ ಮೇಲ್ಮೈಯು ವಕ್ರವಾಗಿ ಅನೇಕ ಮಡಿಕೆಗಳಿಂದ ಕೂಡಿದೆ.ಮಹಾಮಸ್ತಿಷ್ಕದಲ್ಲಿ ಎರಡು ಅರ್ಧ ಸಮಗೋಳಗಳಿವೆ - ಅವು ಬಲ ಗೋಳಾರ್ಧ ಮತ್ತು ಎಡ ಗೋಳಾರ್ಧ.ಎರಡು ಗೋಳಾರ್ಧಗಳು ಒಂದು ಎಳೆಯಿಂದ ಬೇರ್ಪಟ್ಟಿದ್ದರೂ, ಒಳಗೆ ಒಂದಕ್ಕೊಂದು "ಕಾರ್ಪಸ್ ಕಲೋಸಮ್" ಎಂಬ ನರಗಳ ಎಳೆಯಿಂದ ಸೇರ್ಪಡೆಯಾಗಿದೆ.ದೇಹದ ಎಡಭಾಗದಿಂದ ಬರುವ ನರಗಳು, ಮಹಾಮಸ್ತಿಷ್ಕದ ಬಲಗೋಳಾರ್ಧಕ್ಕೆ ಸಂಪರ್ಕ ಹೊಂದಿವೆ.ದೇಹದ ಬಲ ಭಾಗದಿಂದ ಬರುವ ನರಗಳು ಕತ್ತಿನ ಭಾಗದಲ್ಲಿ ಅಡ್ಡಹಾಯ್ದು ಮಹಾಮಸ್ತಿಷ್ಕದ ಎಡಗೋಳಾರರ್ಧಕ್ಕೆ ಸಂಪರ್ಕಗೊಂಡಿವೆ.ಮಹಾಮಸ್ತಿಷ್ಕದ ಹೊರಗಿನ ಕಾರ್ಟೆಕ್ಸ್ (ನರಕೋಶಗಳಿಂದ ಕೂಡಿದ ಬೂದು ಬಣ್ಣದ ವಸ್ತುವಿನಿಂದಾಗಿದೆ).ಮಹಾಮಸ್ತಿಷ್ಕದ ಒಳಗಿನ ಮೆಡುಲ್ಲಾ ಭಾಗವು (ಆಕ್ಸಾನ್ ಮತ್ತು ಡೆಂಡ್ರೈಟ್ ಗಳು ಸೇರಿದ ಬಿಳಿಯ ವಸ್ತುವಿನಿಂದಾಗಿದೆ).ಮಾನವನ ಉನ್ನತವಾದ ಬುದ್ದಿವಂತಿಕೆಗೆ, ಹೆಚ್ಚಿನ ಮೇಲ್ಮೈ ವಿಸ್ತೀರ್ಣವನ್ನು ಹೊಂದಿರುವ ಕಾರ್ಟೆಕ್ಸ್ ನ ವಿಸ್ತೃತ ಬೆಳವಣಿಗೆಯೇ ಕಾರಣ.

B) ಡೈಎನ್‌ಸೆಫೆಲಾನ್ :-

ಡೈಎನ್‌ಸೆಫೆಲಾನ್  ಮಹಾಮಸ್ತಿಷ್ಕದಿಂದ ಆವೃತವಾಗಿರುವ ಒಂದು ಚಿಕ್ಕ ಭಾಗ.ಡೈಎನ್‌ಸೆಫೆಲಾನ್ ನಲ್ಲಿ "ಥಲಾಮಸ್ ಮತ್ತು ಹೈಪೋಥಲಾಮಸ್ ಎಂಬ ಎರಡು ಭಾಗಗಳಿವೆ.ಥಲಾಮಸ್ ಜ್ಞಾನೇಂದ್ರಿಯಗಳಿಂದ ಸ್ವೀಕರಿಸಿದ ನರಾವೇಗಗಳನ್ನು ಮಿದುಳಿನ ಕಾರ್ಟೆಕ್ಸ್ ಗೆ ಕಳುಹಿಸುತ್ತದೆ.ಹೈಪೋಥಲಾಮಸ್ ದೇಹದ ಉಷ್ಣತೆ, ದೇಹದ ಸಮತೋಲನ, ಹಸಿವು ಮತ್ತು ನಿದ್ರೆಗಳನ್ನು ನಿಯಂತ್ರಿಸುತ್ತದೆ. ಜೊತೆಗೆ ಸ್ವನಿಯಂತ್ರಕ ನರವ್ಯೂಹ ಮತ್ತು ಪಿಟ್ಯೂಟರಿ ಗ್ರಂಥಿಯನ್ನು ನಿಯಂತ್ರಿಸುತ್ತದೆ.

 2) ಮಧ್ಯ ಮಿದುಳು (Mid brain) :-

ನರತಂತುಗಳಿಂದ ಕೂಡಿದ ಮಿದುಳಿನ ಒಂದು ಚಿಕ್ಕ ಭಾಗ.ಮಧ್ಯಮಿದುಳು ಮುಮ್ಮೆದಳು ಮತ್ತು ಹಿಮ್ಮೆದುಳಿಗೆ ಸಂಬಂಧ ಕಲ್ಪಿಸುತ್ತದೆ. ಜೊತೆಗೆ ಸಂದೇಶಗಳನ್ನು ಹಿಮ್ಮೆದುಳಿನಿಂದ ಮುಮ್ಮೆದುಳಿಗೆ ಸಾಗಿಸುತ್ತದೆ.ದೃಶ್ಯ ಮತ್ತು ಶ್ರವ್ಯಕ್ಕೆ ಸಂಬಂಧಿಸಿದ ಚೋದನೆಗಳಿಗನುಗುಣವಾಗಿ ತಲೆ ಮತ್ತು ಕತ್ತಿನ ಪರಾವರ್ತಿತ ಚಲನೆಗಳಿಗೆ ಇದು ಕಾರಣ.

 3) ಹಿಮ್ಮೆದುಳು (Hind brain) :-

ಹಿಮ್ಮೆದುಳಲ್ಲಿ ಅನುಮಸ್ತಿಷ್ಕ, ಪಾನ್ಸ್ ಮತ್ತು ಮೆಡುಲ್ಲಾ ಅಬ್ಲಾಂಗೇಟ್ ಎಂಬ ಮೂರು ಭಾಗಗಳಿವೆ.

 A) ಅನುಮಸ್ತಿಷ್ಕ (Cerebellum) :-

ಅನುಮಸ್ತಿಷ್ಕ ಮೆದುಳಿನ ಎರಡನೇ ದೊಡ್ಡ ಭಾಗ.ಅನುಮಸ್ತಿಷ್ಕ ಮಹಾಮಸ್ತಿಷ್ಕದ ಕೆಳಗೆ ಮತ್ತು ಹಿಂಭಾಗದಲ್ಲಿದೆ. ಮತ್ತು ದೇಹದ ಸಮತೋಲನವನ್ನು ಕಾಪಾಡುತ್ತದೆ.



B) ಪಾನ್ಸ್ (Pons) :-

ಪಾನ್ಸ್ ಅನುಮಸ್ತಿಷ್ಕದ ಮುಂದೆ ಮಧ್ಯಮಿದುಳಿನ ಕೆಳಗೆ ಮತ್ತು ಮೆಡುಲ್ಲಾ ಅಬ್ಲಾಂಗೇಟದ ಮೇಲೆ ಇದೆ.ಪಾನ್ಸ್ ಆಹಾರ ಅಗಿಯುವುದು, ಮುಖದ ಭಾವ ಮತ್ತು ಉಸಿರಾಟದ ಕ್ರಿಯೆಗಳನ್ನು ನಿಯಂತ್ರಿಸುತ್ತದೆ. 

 1) ಪಾನ್ಸ್ ವರೋಲಿ (ಪಾನ್ಸ್)ನಲ್ಲಿ ಎಷ್ಟು ಜೊತೆ ಮೆದುಳು ನರಗಳನ್ನು ಹೊಂದಿರುತ್ತದೆ?

A). 12 ಜೊತೆ 
B). 8 ಜೊತೆ 
C). 4 ಜೊತೆ ✔✔
D). 6 ಜೊತೆ 

👉4 ಜೊತೆ:
ಪಾನ್ಸ್ ವರೋಲಿ (ಪಾನ್ಸ್)ನಲ್ಲಿ 4 ಜೊತೆ ಮೆದುಳು ನರಗಳನ್ನು ಹೊಂದಿರುತ್ತದೆ. ಪಾನ್ಸ್ ಆಹಾರ ಅಗಿಯುವುದು, ಮುಖದ ಭಾವ ಮತ್ತು ಉಸಿರಾಟದ ಕ್ರಿಯೆಗಳನ್ನು ನಿಯಂತ್ರಿಸುತ್ತದೆ.

2) ಪಿಟ್ಯೂಟರಿ ಗ್ರಂಥಿಯು ದೇಹದ ಯಾವ ಭಾಗದಲ್ಲಿ ಕಂಡುಬರುತ್ತದೆ?
A). ಶ್ವಾಸಕೋಶ 
B). ಕುತ್ತಿಗೆ 
C). ಜಠರ 
D). ಮೆದುಳು ✔✔

👉ಮೆದುಳು:
ಪಿಟ್ಯೂಟರಿ ಗ್ರಂಥಿಯು ಮೆದುಳಿನ ತಳಭಾಗದಲ್ಲಿದೆ ಕಂಡು ಬರುತ್ತದೆ. ಪಿಟ್ಯೂಟರಿ ಗ್ರಂಥಿಯಲ್ಲಿ ಮುಂಭಾಗದ ಹಾಲೆ ಮತ್ತು ಹಿಂಭಾಗದ ಹಾಲೆ ಎಂಬ ಎರಡು ಭಾಗಗಳಿವೆ.  ಪಿಟ್ಯುಟರಿ ಗ್ರಂಥಿಯನ್ನು " ಅಂತಃಸ್ರಾವಕ ವಾದ್ಯಮೇಳದ ನಿರ್ವಾಹಕ " ಎಂದು ಕರೆಯುತ್ತಾರೆ.

3) ಅಲೆದಾಡುವ ನರ ಎಂದು ಯಾವ ನರವನ್ನು ಕರೆಯುತ್ತಾರೆ?

A). ಪಾಗಸ್ 
B). ವೇಗಸ್ ✔✔
C). ಮೆಡುಲ್ಲಾಸ್ 
D). ಮೇಲಿನ ಯಾವುದು ಅಲ್ಲ 

👉ವೇಗಸ್:
ಮೆದುಳಿನ ಮುಖ್ಯ ನರಗಳಲ್ಲೊಂದಾದ 'ವೇಗಸ್' ಎಂಬ ನರವನ್ನು ಅಲೆದಾಡುವ ನರ ಎಂದು ಕರೆಯುತ್ತಾರೆ. ಕಾರಣ ಈ ನರವು ಸ್ವಯಂ ನಿಯತ್ರಂಕ ನರವ್ಯೂಹದ ಭಾಗವಾಗಿದೆ.

4) ಮಿದುಳು ಬಳ್ಳಿ ಯಾವ ಆಕಾರದಲ್ಲಿದೆ?

A). ಸಿಲಿಂಡರ್ ✔✔
B). ಚೌಕಾಕಾರ 
C). ವೃತ್ತ 
D). ಆಯತಾ

👉ಸಿಲಿಂಡರ್:
ಮಿದುಳು ಬಳ್ಳಿಯು ಸಿಲಿಂಡರ್ ಆಕಾರದಲ್ಲಿ ಕಶೇರುಸ್ತಂಭದಲ್ಲಿ ಹಾದು ಹೋಗುತ್ತದೆ.ಇದು ಅನೇಕ ನರಕೋಶ ಮತ್ತು ನರತಂತುಗಳಿಂದಾಗಿದೆ.ಇದರ ಮಧ್ಯ ಭಾಗದಲ್ಲಿ ನರಕೋಶಗಳಿಂದಾದ ಬೂದು ವಸ್ತುವಿದೆ. ಇದರ ಸುತ್ತಲೂ ನರ ತಂತುಗಳಿಂದಾದ ಬಿಳಿವಸ್ತು ಇದೆ. 

5) ಪರೀಧಿ ನರವ್ಯೂಹವು ಎಷ್ಟು ಜೊತೆ ಮೆದುಳು ನರಗಳನ್ನು ಒಳಗೊಂಡಿದೆ?

A). 10 ಜೊತೆ 
B). 12 ಜೊತೆ ✔✔
C). 40 ಜೊತೆ 
D). 34 ಜೊತೆ 

👉12 ಜೊತೆ
ಪರೀಧಿ ನರವ್ಯೂಹವು 12 ಜೊತೆ ಮೆದುಳು ನರಗಳನ್ನು ಒಳಗೊಂಡಿದೆ ಮತ್ತು 31ಜೊತೆ ಮೆದುಳು ಬಳ್ಳಿಯ ನರಗಳನ್ನು ಒಳಗೊಂಡಿದೆ. ಮೆದುಳು ನರಗಳು ಮೆದುಳಿನ ನಾನಾ ಭಾಗಗಳಿಂದ ಹೊರಟು ತಲೆಯಲ್ಲಿರುವ ಜ್ಞಾನೇಂದ್ರಿಯಗಳು ಸ್ನಾಯುಗಳು ಹಾಗೂ ಗ್ರಂಥಿಗಳ ಸಂಪರ್ಕ ಹೊಂದಿದೆ.


6) ಬುದ್ಧಿಲಬ್ಧವನ್ನು ಕಂಡುಹಿಡಿಯುವ ಸೂತ್ರದ ಬಗ್ಗೆ ತಿಳಿಸಿದ ವಿಜ್ಞಾನಿ ಯಾರು?

A). ರಿವ್ ರಾಕ್ಷೀ 
B). ಆಲ್ಫ್ರೇಡ್ ಬೀನೆ ✔✔
C). ಸ್ಟೀಫನ್ ಹಾರ್ಲ್ಸ್ 
D). ಐಸ್ತೊವನಿ